紅腳公

卒之俾我恨到隻似樣D既紅腳公喇，新成公，都仲有發展空間，加油……！

其次仲有呢隻白驅D腳都幾得

Sleepless in Hong Kong

等..... 又再繼續衝

從開始養水晶蝦至今已有兩年零8個月了, 看到而家屋企個蝦海, 有時放工做到攰攰地, 真係都幾安慰下架, 不枉自己一番努力嘛, 但係下一步又點呢? 望望下D蝦都會間唔中問自己呢個問題, 最終答案係無..... 因為自己只係得兩個缸, 再繁殖落去亦都係得兩個缸, 唯有等運到囉, 哈哈^ ^

紅唇厚甲公近況

記得早前11月中出過post. 話會選呢隻公做種公，當時佢仲係得兩個月大，都已經幾厚甲幾有 potential , 到左今日……6個月大既佢，不單只件甲再厚D，連D腳都算做幾紅下，最緊要係另類功夫幾使得，俾佢啤左幾竇子孫出黎，有好多同佢都幾似架，希望越大就越似佢地個老豆啦。

四個月前

而家既佢

佢D子代，似嗎？？？

有失定有得

近日少左上討論區，變左多左時間影蝦相，同埋上Facebook揾下外地關於水晶蝦既群組，感受下外國人對水晶蝦既熱情，同我地香港有無咩唔同，以我睇到既原來佢地對水晶蝦既追求無我地咁高，大部份養下D米蝦簡簡單單就ok，當然亦有D係神級繁殖家，哈哈……不過勢估唔到有時我出相都有老外PM我，問我D蝦賣幾錢，可唔可以寄外國，真係問到我都有D不知所措，雖然有人賞識當然好開心，但係要D蝦去坐飛機，唔識寄就緊啦，寄到去又唔知幾耐，如果瓜左都唔知點算…… 所以唯有答: Sorry..... I just selling at local. Air parcel is not available.

喉糖總動員

哈哈…… 今次唔使寫……睇

挑蝦樂中樂

正常挑蝦都係將無咁靚既蝦挑去淘汰缸啫，但係早一排響淘汰缸入面就見到一隻丸公，需然並不是禁入或者係白驅，但係件甲就真係好得，所以就拿拿聲撈番過去種缸度，嘩！真係好厚呀……

新一代提純了？

之前講過最近一代出左好多，眼見起碼最少有70隻以上，最特別既係有大部份都好似餅印一樣，特徵係有後枕，禁入同埋比較白，唔通呢次真係掂左？推算應該係有一批被提純左，唔知係母子定係父女搞埋左，我個種缸都係淨係挑起D唔靚既公去繁殖落去，公就只留低D禁入同埋白驅，所以今次出到批高質既B都唔感到意外，叫做有D成績睇下啦。

淘汰中的淘汰

爲左保持喉糖既質素，我會定期將淘汰缸裏面最差的一些蝦的番公司個四尺缸度養，當做益下老闆，又可以提升自己D蝦，今次就挑左以下既13隻。

同場加影靚乸一隻^^

F1 的 F2

F2已經出世喇！表現如何？都係要繼續挑囉，不過都有出位既，希望我可以一路狠心落去啦。

喉糖的白

剛剛被大C兄whatsapp張蝦球相黎刺激到, 佢係一位忍士, 好少嚮網上面D討論區出POST同出相, 佢呢次挑完蝦之後D級數簡直係靚爆鏡, 挑得真係幾高水準架, 再睇番我D蝦就只有實白表現, 睇黎我都要努力加油先得喇! 我要超級紅虫腳呀!!!!!!!!!

得到大C兄首肯，給大家欣賞下佢既成果^ ^

以下係我而家大缸既蝦



白色聖誕大餐

祝大家聖誕快樂，人蝦健康！