2016年3月31日 星期四
N one 測試報告
N one 既Demo經過30天運作，12寸缸的NO3已由第20天開始維持零既讀數至今（原數據40以上），期間沒有換水，衹有加養過既過濾水喉水，實驗過程中有兩隻成蝦懷疑脫殻後被暴爆既大量貝蚤水蚤咬死😂😂😂，反而30幾隻蝦B就正常活潑成長，同時浮萍也因低NO3關係而斷根和變得枯萎，小弟終於都可以暫時鬆一口氣，馬上吸下泥面換下少少水，繼後要著手設計結構外型了，報導完畢，多謝收睇🙇🙇🙇
2016年2月28日 星期日
N one的誕生
我對No3的結論是……在一個蝦缸裏面不能出現的東西，就此在我過去的一年，除左管理蝦會同埋和蝦友響入面交流之外，自己亦都利用自己果兩個缸研究和觀察水質，希望能夠了解多D有關No3的實際成因，究竟點樣先至可以消除或有效降解No3？相信當中原理有好多人都會知道，就係硝化細菌將有毒既No2 轉化成低害性既No3，但係當No3産生後，大部份既人都會停步，以爲加D有根植物或者浮萍去吸，吸到幾多就幾多，其實係幫助不大的，始終No3未能完全被消耗，一路累積到一個地步之後，蝦蝦便會頂唔順瓜了。
咁……除左加植物之外，究竟仲有咩方法去消除No3呢？…… 就係反硝化系統，響呢個系統裏面有既當然就係反硝化細菌(厭氧菌)，方法有好多種，衹要有足夠牠們生長條件既地方就可以了，咁……要有咩條件先至叫足夠？就係起碼要有……低氧，無紫外光，慢水流，有氮源，碳源，蛋白質，礦物質和少量氨基酸提供既地方。
有好多人都會用厚泥底(至少兩寸)去養反硝化菌，但係會因為泥底沒有水流流動，如果時間太長，一郁動後就會響短期內有超級無敵既反效果，死蝦一發不可收拾，所以穩陣D都係要加個底抽板做下水流，這是最簡單可以創建既反硝化系統，但要控制好慢速既水流，因為水流既快慢會影響到反硝化菌既工作效果，太快的話就不會降得到No3了，其次要面對是缺乏碳源，礦物質同蛋白質供應既問題。
亦有人會用龐大既濾桶數目去串連成一個在系統尾段缺氧既環境，希望可以培養出厭氧菌出來，但大多也不會成功，因為要控制到適當既水流同埋怎樣提供到牠們的生長養份都是一個很困難既關鍵，最終也多數難逃失販結局。
小弟最近完全退出了群組，就係想給自己有足夠時間去研究一個可以有效輕易消除No3既工具，Demo現在已經進入測試既階段了，暫定呢個工具既名叫做 N one，即係 none of Nritrate既意思，希望佢可以令到有更加多蝦友可以好簡單咁享受到養蝦既樂趣，深信這個決定比起響蝦會教新手養蝦會更加有意義，會有更多人會受惠，在此感謝一班仍在群組努力既管理員 果王，王子，Trueman，Jacky同埋Happy，多謝你們爲新手作出既幫助和無私既貢獻。🙇🙇🙇
咁……除左加植物之外，究竟仲有咩方法去消除No3呢？…… 就係反硝化系統，響呢個系統裏面有既當然就係反硝化細菌(厭氧菌)，方法有好多種，衹要有足夠牠們生長條件既地方就可以了，咁……要有咩條件先至叫足夠？就係起碼要有……低氧，無紫外光，慢水流，有氮源，碳源，蛋白質，礦物質和少量氨基酸提供既地方。
有好多人都會用厚泥底(至少兩寸)去養反硝化菌，但係會因為泥底沒有水流流動，如果時間太長，一郁動後就會響短期內有超級無敵既反效果，死蝦一發不可收拾，所以穩陣D都係要加個底抽板做下水流，這是最簡單可以創建既反硝化系統，但要控制好慢速既水流，因為水流既快慢會影響到反硝化菌既工作效果，太快的話就不會降得到No3了，其次要面對是缺乏碳源，礦物質同蛋白質供應既問題。
亦有人會用龐大既濾桶數目去串連成一個在系統尾段缺氧既環境，希望可以培養出厭氧菌出來，但大多也不會成功，因為要控制到適當既水流同埋怎樣提供到牠們的生長養份都是一個很困難既關鍵，最終也多數難逃失販結局。
小弟最近完全退出了群組，就係想給自己有足夠時間去研究一個可以有效輕易消除No3既工具，Demo現在已經進入測試既階段了，暫定呢個工具既名叫做 N one，即係 none of Nritrate既意思，希望佢可以令到有更加多蝦友可以好簡單咁享受到養蝦既樂趣，深信這個決定比起響蝦會教新手養蝦會更加有意義，會有更多人會受惠，在此感謝一班仍在群組努力既管理員 果王，王子，Trueman，Jacky同埋Happy，多謝你們爲新手作出既幫助和無私既貢獻。🙇🙇🙇
2015年8月4日 星期二
蝦魚同游
Sorry大家, 好耐無寫文了, 因為多左去香港水晶蝦會度直接同大家分享, 今日突然間手痕, 想寫番呢個題目: 蝦魚同游.....
螞蟻燈我養過，目的係想利用佢地黎清虫，我係一個成晚望住D蝦既人，所以佢地有咩e郁都逃唔出我法眼，以我觀察到初初放佢地入缸既時候，佢地就算會同好細隻蝦B撞口撞面都無事，只係食缸壁上既微生物或水中飄浮既蝦糧碎，咁好既員工去邊度揾呀？但隨著大半年過去，佢地個口大左，胃口又大左，漸漸會多左響地面找D更大既虫或水蚤食，終於有次俾我見到死剩果兩條，拍住拖響地面巡邏既時候，其中一條走去全心企圖去食一隻蝦B，而另外一條就去啄呢條曳曳魚，好似話俾佢聽叫佢唔好亂黎，有老細睇住咁, 哈哈…… 不過我又點會饒恕佢地呢，第日就俾我兜左番公司養了。
咁……屋企個缸咪爆虫？係，真係爆。咁我咪嘗試養其他魚囉"非洲藍眼燈"，呢隻魚露出真面目既時間仲短，只有一個月左右就追B。
咁……又點算呢？咪唔養魚囉，直至上個月又忍唔到個缸實在太多蚤喇，又有渦虫，所以就走左去日曬雨淋度買番3條好細既(響個缸已經算係幾大下)螞蟻燈回家做保安，點知佢地可能未戒奶，只係響水面活動，仲死左兩條添，而家剩低果條都唔食野，可能都就黎去了。
以上經歷帶出左，無魚係唔食蝦既，佢地只會揀D最易食既黎食，只要個咀有幾大，佢地就有本事去食幾大既生物，肚餓既時候就算吞唔落都會啄左先算，咁我以後仲會唔會蝦魚同游？會……不過就可能預備一個內庤倉俾佢地，一追B就困果條入去，試下咁會唔會訓練到一條忠心既魚出黎先，再唔得就又啲番公司養，哈哈……今個週末等我又去補兩條螞蟻燈先！因為佢地真係可能會比較溫馴D.
螞蟻燈我養過，目的係想利用佢地黎清虫，我係一個成晚望住D蝦既人，所以佢地有咩e郁都逃唔出我法眼，以我觀察到初初放佢地入缸既時候，佢地就算會同好細隻蝦B撞口撞面都無事，只係食缸壁上既微生物或水中飄浮既蝦糧碎，咁好既員工去邊度揾呀？但隨著大半年過去，佢地個口大左，胃口又大左，漸漸會多左響地面找D更大既虫或水蚤食，終於有次俾我見到死剩果兩條，拍住拖響地面巡邏既時候，其中一條走去全心企圖去食一隻蝦B，而另外一條就去啄呢條曳曳魚，好似話俾佢聽叫佢唔好亂黎，有老細睇住咁, 哈哈…… 不過我又點會饒恕佢地呢，第日就俾我兜左番公司養了。
咁……屋企個缸咪爆虫？係，真係爆。咁我咪嘗試養其他魚囉"非洲藍眼燈"，呢隻魚露出真面目既時間仲短，只有一個月左右就追B。
咁……又點算呢？咪唔養魚囉，直至上個月又忍唔到個缸實在太多蚤喇，又有渦虫，所以就走左去日曬雨淋度買番3條好細既(響個缸已經算係幾大下)螞蟻燈回家做保安，點知佢地可能未戒奶，只係響水面活動，仲死左兩條添，而家剩低果條都唔食野，可能都就黎去了。
以上經歷帶出左，無魚係唔食蝦既，佢地只會揀D最易食既黎食，只要個咀有幾大，佢地就有本事去食幾大既生物，肚餓既時候就算吞唔落都會啄左先算，咁我以後仲會唔會蝦魚同游？會……不過就可能預備一個內庤倉俾佢地，一追B就困果條入去，試下咁會唔會訓練到一條忠心既魚出黎先，再唔得就又啲番公司養，哈哈……今個週末等我又去補兩條螞蟻燈先！因為佢地真係可能會比較溫馴D.
2014年10月22日 星期三
戰蟲實戰坊
上星期收工去左紅潮買戰蟲，因為想揾個淘汰再試下清蟲，希望揾到個好份量去搞搞個主缸，因為咁，所以我就唔會輕手，一於去盡佢！
首先撈起哂所有蝦同螺，然後將32L水抽剩一半，落兩粒藥，剪開膠囊，淨要藥粉，再加落一湯茶籽粉，經過兩小時浸泡後，期間見到有過百條白線虫，三四條渦蟲，有幾百隻水蚤在爭扎，盤蜷也有很多不勝倒地，看到好似無嘜生命跡象既時候就加番滿水，放番兩隻試水淘汰蝦，照正常運作。
48小時後將泥面一層薄薄地既污糟野吸走, 之後就用餐盒放番D幼泥面，加番滿水，穩陣起見又再剪多粒落水，即係前後三粒，這是100L既份量，相信會澈底KO掛，眼見試水蝦兩日都無嘜事，所以果晚已經放番哂D蝦回去，發表文章時真係仲未有瓜。
首先撈起哂所有蝦同螺，然後將32L水抽剩一半，落兩粒藥，剪開膠囊，淨要藥粉，再加落一湯茶籽粉，經過兩小時浸泡後，期間見到有過百條白線虫，三四條渦蟲，有幾百隻水蚤在爭扎，盤蜷也有很多不勝倒地，看到好似無嘜生命跡象既時候就加番滿水，放番兩隻試水淘汰蝦，照正常運作。
48小時後將泥面一層薄薄地既污糟野吸走, 之後就用餐盒放番D幼泥面，加番滿水，穩陣起見又再剪多粒落水，即係前後三粒，這是100L既份量，相信會澈底KO掛，眼見試水蝦兩日都無嘜事，所以果晚已經放番哂D蝦回去，發表文章時真係仲未有瓜。
2014年7月19日 星期六
2014年7月8日 星期二
新糧分享~魔之餌
上星期六到旺角一間樓上蝦店水x坊睇下，佢地做緊感謝祭，所以就上去八下，本來諗住逛下就算，點知見到佢地有賣台灣一隻蝦糧~魔之餌，雖然都出左一段日子，但係響香港我就第一次見，台灣有好多大大都用緊呢隻，口碑好似唔錯添，所以就買左包紅色包裝野菜成份番去試下，點之番到屋企拆開一睇，O左咀…… 原來形狀同一般我地用開既四四方方唔同，佢係幼條形，比日之丸植物性糧既幼度仲要幼，咁樣D蝦就可以圍得多D，多D蝦可以埋位開餐，呢個設計都好貼心架，食左三四個鈡都無嘜點散到，咁即係可以減少壞水壞泥機會啦，搶口程度都好高，第二朝睇下都有食哂，總括黎講都有90分以上，只係伯佢唔知係咪含微量原素(因為係日文唔識睇)，驚會爆虫啫，暫時仲未見有惡化跡象，都可以值得推介俾各位蝦友嘅。
2014年6月10日 星期二
廷和水族~東區好去處
講開平時食完晏晝飯都會去公司附近既魚店逛下, 一來得閒無事做, 二來又可以同兩條麻甩佬吹下水, 都叫做有個打發時間既地方, 呢度咩野水族用品都有, 淨係可能要求高, 價錢昂貴既特別器材就要預訂, 因為老細話費事"擲"貨, 咁又係既, 雖然以前呢個位置就係香港水族廣場既舊址, 但係而家就只係得番呢間攏斷左成個場, 不過就只係做街坊生意多了, 大部份都係要求唔高既客, 養下燈魚孔雀呀咁, 加上佢地做生意又好低調, 網路世界又唔係好懂, 所以應該好多人都唔係點識呢間野, 其實呢間野面積大過好多魚街鋪, 都好多野睇, 如果大家得閒經過都可以落去東匯廣場呢個地牢商場睇睇, 最近佢地仲新番左一批辣椒榕試下市場, 大大條, 價錢平不特祗, 仲有得傾添, 正宗街坊價, 真係忍唔往要嚮度同佢賣下廣告先, 哈哈......
Facebook: https://m.facebook.com/tingwoaquarium
2014年4月20日 星期日
2014年3月10日 星期一
重溫底抽板設置
最近響U仔見到有人問關於底抽，記得我個大缸都係用緊，檢查之前的post, 原來無寫過出黎，好在有影過相，所以而家就同大家重溫一下先:~~~
其實setting好簡單，我買左兩套60cm既K牌底抽版，作用一般既應該同其他無分別，不過出泡個位有個網, D泡會谷到一個份量先至會標一炸出黎, 同埋就大件D，扺食D，或者養菌多D, 一套三件俾60cm缸用，我90缸，所以就用左5件，砌好之後就放入洗衣袋，再響板上面舖滿3 L 既PH monoball，跟住就封袋放入缸底，然後舖上3L. Y粗泥，貪佢泥夠酸夠硬夠疏水，點知用左之後先至聽C兄講話會有問題，不過SO FAR而家我用左咁耐都係有唔錯既效果，PH keep住5.3 .希望一路落去都無事啦，最面層就係我既不二之選，ADA幼泥。泡量方面，我較到好細好細，幾秒鐘才氣舉吐出一啖仔咁上下，流速大約係10L/hr以下，目的係想話睇下做唔做到厭氧菌培殖既環境出黎，究竟得唔得? 直至而家呢個仍然係一個謎。。。不過NO3就長期係 0 .
其實setting好簡單，我買左兩套60cm既K牌底抽版，作用一般既應該同其他無分別，不過出泡個位有個網, D泡會谷到一個份量先至會標一炸出黎, 同埋就大件D，扺食D，或者養菌多D, 一套三件俾60cm缸用，我90缸，所以就用左5件，砌好之後就放入洗衣袋，再響板上面舖滿3 L 既PH monoball，跟住就封袋放入缸底，然後舖上3L. Y粗泥，貪佢泥夠酸夠硬夠疏水，點知用左之後先至聽C兄講話會有問題，不過SO FAR而家我用左咁耐都係有唔錯既效果，PH keep住5.3 .希望一路落去都無事啦，最面層就係我既不二之選，ADA幼泥。泡量方面，我較到好細好細，幾秒鐘才氣舉吐出一啖仔咁上下，流速大約係10L/hr以下，目的係想話睇下做唔做到厭氧菌培殖既環境出黎，究竟得唔得? 直至而家呢個仍然係一個謎。。。不過NO3就長期係 0 .
訂閱：
文章 (Atom)