螞蟻燈我養過，目的係想利用佢地黎清虫，我係一個成晚望住D蝦既人，所以佢地有咩e郁都逃唔出我法眼，以我觀察到初初放佢地入缸既時候，佢地就算會同好細隻蝦B撞口撞面都無事，只係食缸壁上既微生物或水中飄浮既蝦糧碎，咁好既員工去邊度揾呀？但隨著大半年過去，佢地個口大左，胃口又大左，漸漸會多左響地面找D更大既虫或水蚤食，終於有次俾我見到死剩果兩條，拍住拖響地面巡邏既時候，其中一條走去全心企圖去食一隻蝦B，而另外一條就去啄呢條曳曳魚，好似話俾佢聽叫佢唔好亂黎，有老細睇住咁, 哈哈…… 不過我又點會饒恕佢地呢，第日就俾我兜左番公司養了。
咁……屋企個缸咪爆虫？係，真係爆。咁我咪嘗試養其他魚囉"非洲藍眼燈"，呢隻魚露出真面目既時間仲短，只有一個月左右就追B。
咁……又點算呢？咪唔養魚囉，直至上個月又忍唔到個缸實在太多蚤喇，又有渦虫，所以就走左去日曬雨淋度買番3條好細既(響個缸已經算係幾大下)螞蟻燈回家做保安，點知佢地可能未戒奶，只係響水面活動，仲死左兩條添，而家剩低果條都唔食野，可能都就黎去了。
以上經歷帶出左，無魚係唔食蝦既，佢地只會揀D最易食既黎食，只要個咀有幾大，佢地就有本事去食幾大既生物，肚餓既時候就算吞唔落都會啄左先算，咁我以後仲會唔會蝦魚同游？會……不過就可能預備一個內庤倉俾佢地，一追B就困果條入去，試下咁會唔會訓練到一條忠心既魚出黎先，再唔得就又啲番公司養，哈哈……今個週末等我又去補兩條螞蟻燈先！因為佢地真係可能會比較溫馴D.
