交流的幸福

亞仔已入廠兩日，這兩天下午都早走少少去接我老婆更，佢就番去沖涼，跟下個女功課，而我就餓住個肚等佢番黎，亞仔而家都好番D了，響呢段無聊既時間，最好就係寫下Blog啦。

相信大家都或者知道我響早前開左個facebook 群組，叫做"香港水晶蝦會"，會員人數都有千零個，幾好玩架，成日都有新post同回應，大家可以交流之餘又可以講下笑，寸下潤下又一day. 嘻嘻哈哈咁……真係幾過引。

係人都知開呢D會係無錢賺，爲的只係想求大家開心下，我更加唔會諗話係自己有咩功勞咩號召力，其實大家咁踴躍參與，爲的就係想同多D師兄交流分享一下，而家有呢個平臺俾大家聚下又真係幾方便幾互動，一個字~爽！

在此要多謝我三位朋友，邦少，Chris同Happy幫我做管理員百忙中幫我抽時間住，爲左大家可以流暢地享受呢個平台，我地確實係好努力咁把關，我諗接近有30位老大都響群組裏面賣過廣告，每次都要PM通知佢地，叫佢地睇置頂文章，好彩佢地大多數都會明白我地呢個係純分享平台，最終都會手下留情唔會再出類似post，響度都要多謝佢地一聲 , Thank you all.....

戰蟲實戰坊

上星期收工去左紅潮買戰蟲，因為想揾個淘汰再試下清蟲，希望揾到個好份量去搞搞個主缸，因為咁，所以我就唔會輕手，一於去盡佢！

首先撈起哂所有蝦同螺，然後將32L水抽剩一半，落兩粒藥，剪開膠囊，淨要藥粉，再加落一湯茶籽粉，經過兩小時浸泡後，期間見到有過百條白線虫，三四條渦蟲，有幾百隻水蚤在爭扎，盤蜷也有很多不勝倒地，看到好似無嘜生命跡象既時候就加番滿水，放番兩隻試水淘汰蝦，照正常運作。

48小時後將泥面一層薄薄地既污糟野吸走, 之後就用餐盒放番D幼泥面，加番滿水，穩陣起見又再剪多粒落水，即係前後三粒，這是100L既份量，相信會澈底KO掛，眼見試水蝦兩日都無嘜事，所以果晚已經放番哂D蝦回去，發表文章時真係仲未有瓜。

溫度高低與出公母比例

剛玩蝦既時候就聽過溫度高低會影響缸內公母既比例，溫度高出母既機會就會高，溫度低生出公B就會多D，講真我就唔係幾信……

以我所知有隻好特別既鳥類，好似叫山矢，母鳥會生蛋響D沙同埋枯葉裡面，堆起一個山仔, 母鳥會響周邊探測溫度，遇到有不理想溫度時就會挖走泥沙或者鋪厚D沙，目的係要控制孵出公母既比例，但係蝦就不是鳥類，同埋又無鳥類咁大個腦袋，咁蝦又點識得去做D咁特別既行為去控制呢？

其實就算係真既話，最多我就係有以下呢個解讀，就係當生存環境不理想，例如高溫(夏天死蝦期)，經驗話我知，死亡率就特別高，尤其是母蝦就特別容易死添，每當一種生物響一個環境裡面活存數量越來越低既話，大自然定律就會制造多些會生產既性別(雌性)出來，所以當溫度高既時候出產母蝦既比例可能就會多D，如果基於這個原因既話，咁我會接受多D。

另外, 當環境理想既時候，天氣較凍或冷水機調凍D，按理應該公母比例一樣，就算出公蝦既機會真係會高D，但係如果較凍D又真係會死少D蝦既話，咁你又會點揀呢？？？ 就等我去做個實驗証實一下啦。

自制刮蝸牛器

紙係包唔住火既，兩三個月兩個缸都同時被D討厭既蝸牛同渦虫攻陷左，每晚睇到佢地就真係唔開飯喇，忍唔住就成日都用鉗去夾同埋用茄汁壺去吸，阻住我D賞蝦時間，今晚靈機一觸諗左個方法去凊蝸牛，有左呢個方法就唔使成日夾佢地出黎啦！最大問題係我兩個缸都18寸高，成日濕到手，而家就可以成曰保持亁爽咯…Yeah! 多謝家姐→_→

分別公乸篇

一般爆到蝦的話都會去分別公乸, 為求將無咁靚既公挑出, 留番D靚公去打種, 因為大部份生出黎既蝦B會似爸爸多D, 但係初學者就未必會識分, 今日趁得閒就畫左個比例圖給大家分享一下.

公:---
1) 向天觸鬚較長, 這是最為明顯及比較肯定的特徵
2) 頭頂比較平, 很少會拱起, 但也有例外
3) 頭形比較幼長和窄
4) 第二塊甲較窄和甲身較矮
5) 喉糖蝦公既腳會比較遲出紅腳, 於幼蝦時會比較淡紅

乸:---
1) 向天觸鬚較短，通常比起頭的長度還要短少少
2) 頭頂比較拱起, 在幼蝦時會比較多用此特徵和紅不紅腳來分別，因為其他幾項未必會易分得出
3) 頭形比較粗短和闊身
4) 成蝦時第二塊甲下半部份會變闊變圓, 俗稱波板甲, 甲身較高
5) 幼蝦時會比較紅

其實最好分別公既時候就係當飛緊蝦果時，公隻爪會一路爪下爪下咁飛, 果隻就9成係公，如果要分乸就緊係挑有抱卵果D啦，哈哈……鬼唔知亞媽係女人咩！

新糧分享~魔之餌

上星期六到旺角一間樓上蝦店水x坊睇下，佢地做緊感謝祭，所以就上去八下，本來諗住逛下就算，點知見到佢地有賣台灣一隻蝦糧~魔之餌，雖然都出左一段日子，但係響香港我就第一次見，台灣有好多大大都用緊呢隻，口碑好似唔錯添，所以就買左包紅色包裝野菜成份番去試下，點之番到屋企拆開一睇，O左咀…… 原來形狀同一般我地用開既四四方方唔同，佢係幼條形，比日之丸植物性糧既幼度仲要幼，咁樣D蝦就可以圍得多D，多D蝦可以埋位開餐，呢個設計都好貼心架，食左三四個鈡都無嘜點散到，咁即係可以減少壞水壞泥機會啦，搶口程度都好高，第二朝睇下都有食哂，總括黎講都有90分以上，只係伯佢唔知係咪含微量原素(因為係日文唔識睇)，驚會爆虫啫，暫時仲未見有惡化跡象，都可以值得推介俾各位蝦友嘅。

水冷散熱問題

爲左美觀慳位，我將我個水冷放入個魚缸櫃入面，但係壓縮泵始終會熱D，所以成曰都會過熱停泵，本來要成日揾個風扇吹住先至勉強頂得住炎夏，但係炎炎夏日剛剛至開始，又加上入面D cord可能都好污糟了，所以溫度長期做唔到25度，有見及此把心一橫響淘寶買左個薄抽氣扇裝響櫃門度，長期吹入生風直入水冷入面，依家卒之解決左問題，連風扇都可以收埋，細路仔又多左地方走動，真係要俾個Like自已呀^^

廷和水族~東區好去處

講開平時食完晏晝飯都會去公司附近既魚店逛下, 一來得閒無事做, 二來又可以同兩條麻甩佬吹下水, 都叫做有個打發時間既地方, 呢度咩野水族用品都有, 淨係可能要求高, 價錢昂貴既特別器材就要預訂, 因為老細話費事"擲"貨, 咁又係既, 雖然以前呢個位置就係香港水族廣場既舊址, 但係而家就只係得番呢間攏斷左成個場, 不過就只係做街坊生意多了, 大部份都係要求唔高既客, 養下燈魚孔雀呀咁, 加上佢地做生意又好低調, 網路世界又唔係好懂, 所以應該好多人都唔係點識呢間野, 其實呢間野面積大過好多魚街鋪, 都好多野睇, 如果大家得閒經過都可以落去東匯廣場呢個地牢商場睇睇, 最近佢地仲新番左一批辣椒榕試下市場, 大大條, 價錢平不特祗, 仲有得傾添, 正宗街坊價, 真係忍唔往要嚮度同佢賣下廣告先, 哈哈......    

Facebook: https://m.facebook.com/tingwoaquarium

紅腳公

卒之俾我恨到隻似樣D既紅腳公喇，新成公，都仲有發展空間，加油……！

其次仲有呢隻白驅D腳都幾得

喉糖蝦之來源

今日食完午飯趁得閒就想寫下喉糖蝦呢個名既來源, 同埋點解會叫做喉糖…

相信識我或者有睇過小弟呢個bolg既人都會知道，我養既蝦係漁夫之寶紅白蝦，佢係一位內地人所繁殖出黎，特徵係厚白無縫，咁點解我又叫我D蝦做喉糖？除左漁夫之寶係一款喉糖名之外？ 很多蝦友也是這樣稱呼, 不過我都想做一款屬於自已所追求認為完美型態同特徵既蝦，現在首要做既就係象牙甲, 再跟住就係漁夫最難出既紅腳(其實都無嘜信心做到), 希望日後大家一見到我D蝦就會嘩一聲！跟住痰上頸，講野都會口疾疾, 不咳不快，再黎就緊係要整番粒喉糖番屋企慢慢嗒啦，哈哈。。。。

熱情不減

……想不到這兩年多以來對蝦的熱情仍是不減反增……
由最初什麼都不懂的我，到現在用一個34寸和一個14寸缸或許養了五百幾隻蝦的我，需說不上是什麼了不起，但是每天努力埋頭照顧蝦蝦的人，祗少都會被人說是《蝦痴》吧。這我也自認確實有點入型入格，哈哈……
每天工作辛苦之餘，回家吃飯後唯一要做既緊係沖涼啦，其次就係餵蝦挑蝦喇，當中挑蝦是我必定要做的事，我還強迫自已要每日挑至少一隻蝦，就算細到3mm，只要係唔合格既都要挑過出淘汰缸，篩選標準次序為…… 丸禁以下，不實白，無或細麻呂，鼻紅色較多，腳紅色較少，白枕生不正中等等…… 希望的就是要製造出自己心目中喉糖既特徵…… 除厚白無縫之外，還最終想要四四正正有象牙一般的質感，如果隻隻可以好似上面標題果隻一樣咁樣，咁我就可以叫做達成我呢個蝦夢了，本人玩蝦格言：世上沒有不靚既蝦，只有不認真被養既蝦。愛蝦的你，希望大家都可以一起努力加油吧！

以下係淘汰缸既現況, 其實也不算太差吧, 哈哈.......

Sleepless in Hong Kong

莫絲樹

呢隻莫絲樹真係好靚，綠到翡翠一樣，外形又好鬼似椰子樹，如果係沙底真係好有feel架，D根仲好強，會打橫生出子株，不過就要夠光照耐D，咁先至生得靚，配埋間屋仔就Prefect喇，值得推介，暫時淨係得CO2有得賣咋。