有失定有得

近日少左上討論區，變左多左時間影蝦相，同埋上Facebook揾下外地關於水晶蝦既群組，感受下外國人對水晶蝦既熱情，同我地香港有無咩唔同，以我睇到既原來佢地對水晶蝦既追求無我地咁高，大部份養下D米蝦簡簡單單就ok，當然亦有D係神級繁殖家，哈哈……不過勢估唔到有時我出相都有老外PM我，問我D蝦賣幾錢，可唔可以寄外國，真係問到我都有D不知所措，雖然有人賞識當然好開心，但係要D蝦去坐飛機，唔識寄就緊啦，寄到去又唔知幾耐，如果瓜左都唔知點算…… 所以唯有答: Sorry..... I just selling at local. Air parcel is not available.

U仔判官!

不爽, 不爽, 真係唔爽!

本人有上網幫助新手解決問題呢舖引, 雖然說不上做專家, 但係自問也幫助過唔少新手, 以前一開始玩蝦時係上水草迷情爬文, 出post 同問問題, 跟住係水族田園, 最近學人上U仔, 最初做左個會員名係DereckLam, 及後因為想溝通方便一D, 所以最後又開多個會員帳號用番中文譯名 "大力林", 已用了一個月有多了, 手機每次登入都會自動用 "大力林" 登入, 直至3月17號那天, 手機不知為何要重新登入, 自動彈出用了DereckLam登入, 我不以為然照樣瀏覽同留言，跟住就好快收到主 [紅 x 藍007] 的PM, 問我是否開了兩個account, 這是觸犯了U仔規定條文, 叫我要响一小時之內刪除其中一個, 我即時回覆承認在無任何機心之下開了兩個account, 是無心之失, 會盡快按他意思去做, 於是就搵下U仔網頁睇下禁邊度可以刪除DereckLam的帳戶, 但搵左好耐都搵唔到.

第二日早上(3月18號) 我再問他如何刪除, 可不可以教下步驟, 或者佢幫我DELETE都得, 然後佢就回覆話正常情況發現有人用兩個帳戶會btp, (封鎖ip, 禁止留言), 佢話會幫我向大版主 " 求情 "幫我取消DereckLam個帳戶, 我不知道佢係打錯字定係故意, 需唔需要用 "求情" 呢兩個字眼呀! 我又唔係有心用兩個account, 又唔係用過個account去欺騙人, 而從中得益, 都係幫下人啫, 咁都要"求情", 呢點佢係清楚明白的, 所以我就回覆佢話我好介意佢用呢兩個字眼, 就算佢封鎖我個IP都無所謂, 但點知轉個頭我部手機就上唔到U仔, 係直情連U仔主頁都上唔到果隻,  而家用其他電腦上U仔睇番, 就連以前既留言都被刪除左, 但係仲有我個名響度，好似覺得自己真係犯左嚴重罪案, 已經俾人拉左去坐監咁樣.

我18號晚再響主頁留言叫佢地幫我取消一個, 回覆話無呢個功能, 叫我再响意見收集度留言, 即係無答, 咁咪再留言投訴囉, 叫佢地查下我呢個CASE, 佢需唔需要向我採取咁終極既手法，今天等左幾日都無回覆，咁即係無人情講，閉門造車，唯有自己出呢個post，當做還我自己一個公道，希望各位蝦友blog友唔會誤會以為我做過咩勾當，當左我係壞人就好喇，日後我都唔會再申請做呢個網站既會員，兩句講哂……豺狼當道，好人當賊扮. 以下係一些截圖，希望大家可以知道我點解會响U仔蒸發左, 同埋多D認識下呢位人兄，有圖有真相,  去圖。

第一個pm俾佢表明立場，願意配合，但請他不要說要"求情" 得咁嚴重, 究竟我所犯是何等嚴重呀？但回覆仍然用上同樣字眼.

 

我便再重新回覆一次，我好介意佢再咁樣講.....跟住手機就上唔到U仔……雖然我話禁止我IP我都無損失，但係原因呢？開左兩個account就等於做左錯事? 佢唔想幫我 "求情" ? 定係嬲左我屹佢用詞不當呢？哈哈.......可能3樣都中呀, 咁我就真係抵死了.

跟住用其他電腦上，查到原來真係根本都無呢個功能，哈哈……咁佢又叫我一小時內刪除帳號戶？真係俾佢吹Q脹左。

 鎖左IP，無得air，因為佢係版主我唔係囉，無計

19號當晚就收到回覆, 叫我响意見收集度問, 但係我ip已封, account都無埋, 咁如果我再開個account, 咁我咪又再犯一次嚴重罪行? 同埋會唔會覺得好無謂同埋煩呢?

其他版主出檢查線既內容幾nice, 幾有親切感.......... 咁佢呢?

嘩!!!! 神人呀!!!! 神性不可侵犯呀,  不過其實我都唔知d分有咩用, 更加唔會用, 加我分就叫益左我呀? 慳番把啦, 我而家真係好想留言呀, 扣又如何, 又如何........ 呵呵........

其實我都係想上下網, 分享下啫, 如果咁多限制, 咁複雜, 你揀人, 人地都會揀你啫, 我就以後都唔會再上呢個站喇, 直情做cd-rom都嚴費事果隻呀!!!!!!!!!

喉糖總動員

哈哈…… 今次唔使寫……睇

重溫底抽板設置

最近響U仔見到有人問關於底抽，記得我個大缸都係用緊，檢查之前的post, 原來無寫過出黎，好在有影過相，所以而家就同大家重溫一下先:~~~

其實setting好簡單，我買左兩套60cm既K牌底抽版，作用一般既應該同其他無分別，不過出泡個位有個網, D泡會谷到一個份量先至會標一炸出黎, 同埋就大件D，扺食D，或者養菌多D, 一套三件俾60cm缸用，我90缸，所以就用左5件，砌好之後就放入洗衣袋，再響板上面舖滿3 L 既PH monoball，跟住就封袋放入缸底，然後舖上3L. Y粗泥，貪佢泥夠酸夠硬夠疏水，點知用左之後先至聽C兄講話會有問題，不過SO FAR而家我用左咁耐都係有唔錯既效果，PH keep住5.3 .希望一路落去都無事啦，最面層就係我既不二之選，ADA幼泥。泡量方面，我較到好細好細，幾秒鐘才氣舉吐出一啖仔咁上下，流速大約係10L/hr以下，目的係想話睇下做唔做到厭氧菌培殖既環境出黎，究竟得唔得? 直至而家呢個仍然係一個謎。。。不過NO3就長期係 0 .

挑蝦樂中樂

正常挑蝦都係將無咁靚既蝦挑去淘汰缸啫，但係早一排響淘汰缸入面就見到一隻丸公，需然並不是禁入或者係白驅，但係件甲就真係好得，所以就拿拿聲撈番過去種缸度，嘩！真係好厚呀……

清藻蝦

勤唔勤力同埋囗味真係睇得出黎？公鍾意食C藻而乸就鐘意食黑毛藻，一睇個頭就知啦^^