溫度高低與出公母比例

剛玩蝦既時候就聽過溫度高低會影響缸內公母既比例，溫度高出母既機會就會高，溫度低生出公B就會多D，講真我就唔係幾信……

以我所知有隻好特別既鳥類，好似叫山矢，母鳥會生蛋響D沙同埋枯葉裡面，堆起一個山仔, 母鳥會響周邊探測溫度，遇到有不理想溫度時就會挖走泥沙或者鋪厚D沙，目的係要控制孵出公母既比例，但係蝦就不是鳥類，同埋又無鳥類咁大個腦袋，咁蝦又點識得去做D咁特別既行為去控制呢？

其實就算係真既話，最多我就係有以下呢個解讀，就係當生存環境不理想，例如高溫(夏天死蝦期)，經驗話我知，死亡率就特別高，尤其是母蝦就特別容易死添，每當一種生物響一個環境裡面活存數量越來越低既話，大自然定律就會制造多些會生產既性別(雌性)出來，所以當溫度高既時候出產母蝦既比例可能就會多D，如果基於這個原因既話，咁我會接受多D。

另外, 當環境理想既時候，天氣較凍或冷水機調凍D，按理應該公母比例一樣，就算出公蝦既機會真係會高D，但係如果較凍D又真係會死少D蝦既話，咁你又會點揀呢？？？ 就等我去做個實驗証實一下啦。