吸B大法

有師兄想番缸，但係又怕捉大量既蝦B，分分鐘會捉成幾個鐘，其實呢次介紹既方法係上次番缸既時候發現既，係用亞加力5mm幼管加膠氣喉，用虹吸方法，先吸一下,  待有水流出後, 用手指公禁住條膠喉出水, 跟住就擺好支管嚮隻B頭殼頂, 越接近越好, 然後手指公一放, 隻B就會好似俾太空船黎接佢咁被帶到入桶內，吸完一隻就用手指禁實番個出水, 慢慢再去搵下一隻，大家有機會真係要試下，好好玩.... 又快，用個細細既膠桶裝住就得，蝦B會好安全，俾手指夾到既機會率係接近0， 對3mm或以下size合用.＾＾

註: 水桶要先吸有一兩吋水先至好開始吸B, 如果唔係就會撞瓜佢地架喇