大圍蝦店～大礦物球

昨晚經過大圍，由大圍站行去一間賣中年海老既蝦店睇下，一早都知道有呢間店響度，只係無時間去。地點都算方便，但係唔識路，只有打電話問路，在老細引路之下，好快就行到了。

曾經也是中年海老擁躉既我，看到6缸左右既海老，當然係左睇右睇啦，果然有好多好野呀，可惜自己而家專心爆緊喉糖，比著以前就一定尋下寶，起碼撈番一兩隻番屋企玩。我唔好意思搞搞震無幫襯，最終都散買左兩粒大礦物球，不過唔知咩效果，都係放落淘汰缸玩下先，另外仲有買左四隻長鼻槍蝦清絲藻添，佢地都幾做得架。

雖然我一隻海老都無買到，但係呢個老細一D都無炸型，大家傾下蝦經，不知不覺都過左食飯時間添，好彩大人無扭耳仔啫＾＾